Euliebollen verkopen veur ALS

Op kerstmaart bie mooie Fraeylemabörg ien Slochteren hebben zai euliebollen bakken doan en dij ook verkocht aan bezuikers van dij kerstmaart. Schiere biekomsteghaid was dat ter ook nog snij lag zodat t apmoal nog sfeervoller wer. Paark van börg ston vol mit kroamen doar van ales en nog wat verkocht wer en mooi versierde Lionskroam ien waarkschuur van börg was doar ain van. t Was n doaldersplek omreden ale bezuikers dij weer noar hoes tou gingen, kwamen bie eiliebollenkroam laans en kochten vanzulf apmoal n puutvol euliebollen mit of zunder krinten. Femielie Kroon van de Paauwen bie Overschild, de specialisten ien euliebollenbakken, dij al joarenlaang aal winters n euliebollenkroam het ien n Daam (Appingedam) zörgde vergees (gratis) veur beslag en euliebollenbakles. Jeanet, Pieter en dochter Kimberly Kroon haren dat touzegd dou zai heurden dat opbrengst noar ALS ging. Zai hebben hail waarm haart veur bestrieden van zaikte ALS omreden ain van heur buren het dij zaikte. Doarom konden Lions ien decembermoand lös mit bakken en t was vannijs n groot sukzes. Der wer mor laifst veur €2.500 aan bollen verkocht en omreden beslag en moaken dervan was vergees, kon aal dat geld noar t goie doel.

Op 27 meert wer t bedrag deur president van Lionsclub, Luuk Dekens, overhandegd aan vertegenwoordegers van stichten ALS, José Wobbes en Johan van der Horn. Femiele Kroon was der ook bie en dij kregen as daank veur heur ienzet bloumen van ALS overhandegd en n kedobon van Lionsclub. Johan van der Horn bedaankte noamens ALS ook Lionsclub veur heur ienzet.

NvdM

Site sponsor

Yze Webdesign . Ontwerp . Content . Web . E-commerce . Media

Hoofdsponsoren

Gaveborg
Icopal
Yze Webdesign . Ontwerp . Content . Web . E-commerce . Media

Sponsoren

Klimaatgroep Holland
Autobedrijf Rozema
RCG Grafimedia
Sikko Cazemier
Spie
Agro advies
Yze Webdesign . Ontwerp . Content . Web . E-commerce . Media
Klimaatgroep Holland
Autobedrijf Rozema